काठमाण्डौ ।
च्याटजीपीटी चलाउन अहिले खाता बनाउनु पर्छ । तर धेरैलाई यो निकै झन्झटिलो पनि लाग्न सक्छ । तर छिट्टै च्याटजीपीटीलाई खाता नखोलीकन पनि चलाउन सकिने छ । च्याटजीपीटीको निर्माता ओपनएआईले यो फिचर ल्याएपछि च्याटजीपीटी सबैका लागि उपलब्ध हुनेछ । ओपनएआईले हालै एउटा ब्लगमा च्याटजीपीटी चलाउन खाता बनाउन जरुरत नहुने बताएको हो । ब्लगका अनुसार यो फैसलापछि १८५ देशका करिब १० करोड मानिसहरूले च्याटजीपीटीको मद्दतले केही नयाँ सिक्ने मौका पाउने बताइएको छ । यसको सुरुआत भइसकेको बताइएको छ ।
यो समाचार पढेर हजुरले कस्तो महसुस गर्नुभएको छ ??
