काठमाण्डौ ।
रुकुम पश्चिममा ट्रकले मोटरसाइकललाई ठक्कर दिंदा एक जनाको ज्यान गएको छ । आज मंगलबार बिहान त्रिवेणीको सिम्रुत बजारमा विपरीत दिशाबाट आएको रा१ख ३२१७ नम्बरको ट्रकले गिरी सवार रा६प ८५५८ नम्बरको मोटरसाइकललाई ठक्कर दिएको थियो । उक्त दुर्घटनामा परी त्रिवेणी गाउँपालिका-७, खाराका ४५ वर्षीय जयबहादुर गिरीको मृत्यु भएको प्रहरीले जनाएको छ ।
मोटरसाइकलको ठक्करबाट चालक गिरीको घटनास्थलमै मृत्यु भएको जिल्ला प्रहरी कार्यालय रुकुम पश्चिमले बताएको छ । ट्रक चालक सल्यान निवासी २९ वर्षीय लक्ष्मण खड्कालाई नियन्त्रणमा लिई घटनाबारे थप अनुसन्धान भइरहेको छ ।
यो समाचार पढेर हजुरले कस्तो महसुस गर्नुभएको छ ??
