बुटवल ।
रूपन्देहीकाे देवदह -७ शीतलनगरमा रहेकाे सगरमाथा आवासीय मा.वि.मा कक्षा ६ देखि कक्षा १० सम्म अध्ययन गर्ने विद्यार्थीहरुको विचमा खुल्ला हाजीरी जवाफ प्रतियोगिता आज सम्पन्न भएको छ ।
छनोट चरण पास गरी अन्तिम चरणमा प्रवेश गरेका विद्यार्थीहरुलाई छुटाछुटै ५ समुह र्निमाण गरी प्रतियोगिता आयोजना गरिएको हो । उक्त प्रतियोगितामा प्रशंसा अधिकारीको नेतृत्वमा रहेको समुहले प्रथम, सोहेम नेपालीको नेतृत्वमा रहेको समुहले द्धितिय र रिलिज जि.सी को नेतृत्वमा रहेको समुहले तृतीय स्थान हासिल गरेका छन् ।
विद्यालयका क्रियाशिल वाल क्लव र सगरमाथा यूवा रेडक्रस क्लवको आयोजनामा सञ्चालन भएको उक्त कार्यक्रम हाजिरीजबाफ संयोजक सुमन पाण्डेको अध्क्षयता, सह–प्राचार्य प्रदिप अधिकारीको सहजिकरणमा सम्पन्न भयो । कार्यक्रमलाई सम्वोधन गर्दै प्रमुख अतिथि प्राचार्य कृष्ण प्रसाद पौडेलले जीत र हार लाई मात्र केन्दित नगरी निरन्तर रुपमा क्वीज कार्यक्रममा लाग्नुपर्नेमा जोड दिनुभयो ।
कार्यक्रममा क्वीज मास्टरको भूमिका शिक्षक अजय थापा मगरले र सञ्चालन शिक्षक दधिराम ज्ञावलीले गर्नुभयो ।
