बुटवल ।
सामाजिक संस्था लियो ३२५ पि नेपालको अध्यक्षमा रुपन्देहीकी श्रद्दा कुँवर निर्वाचित भएकी छिन । शनिवार तिलोत्तमा नगरपालिका शंकरनगरमा भएको लियोे जिल्ला अधिवेशनबाट जिल्ला ३२५ पी नेपालको सन २०२४–२०२५ को लागि कुँवर निर्वाचित भएकी हुन्।
त्यस्तै कार्य समितिको उपाध्यक्षमा प्रविन पौडेल,सचिवमा सुमन पौडेल र कोषध्यक्षमा प्रविन गौडेल निर्वाचित भएका छन् । विगत १० वर्षदेखि निरन्तर लियो क्लबमार्फत सामाजिक काममा क्रियाशील रहेकी युवा राजनीतिकर्मी कुँवर गत वर्ष लियो क्लबको उपाध्यक्ष निर्वाचित भएकी थिइन् ।
देवदह नगरपालिका ५ खैरेनी निवासी कुँवर सामाजिक कार्यकर्ताको रुपमा विभिन्न क्लब र सामाजिक संस्थामा समेत क्रियाशील छिन् ।निर्वाचित भएसगै लियो ३२५ पि नेपाललाई सामाजिक र रचनात्मक कार्यक्रमसहित प्रभावकारी ढंगले अघि बढाउने प्रतिबद्धता उनले व्यक्त गरेकी छन् ।
यो समाचार पढेर हजुरले कस्तो महसुस गर्नुभएको छ ??
