बुटवल ।
रुपन्देहीको देवदह -५ स्थित बुद्ध पब्लिक आवासीय मा.वि.मा शैक्षिक सत्र २०८१ का लागी कक्षा नर्सरी देखि ९ सम्म भर्ना भएका २२३ जना नवआगन्तुक विद्यार्थीहरुलाई बुधबार एक कार्यक्रमको आयोजना गरि स्वागत गरिएको थियो।
कार्यक्रममा बोल्दै बुद्ध पब्लिक आवासीय मा.वि. का प्रिन्सिपल कृष्ण प्रसाद गैरेले बुद्ध पब्लिकलाई उत्कृष्ट शैक्षिक संस्थाको रूपमा विकास गर्दै अगाडि बढाउने बताउनुभयो । उहाले विद्यार्थीहरुलाई देशकै सक्षम नागरिक बन्ने लक्ष्यका साथ अगाडि बढ्न आग्रह गर्नुभएको थियो ।
उक्त कार्यक्रममा विद्यार्थीहरुले आफुमा भएको कला जस्तै गायन , कविता, गजल, मुक्तक एवम् नृत्य प्रस्तुत गरेका थिए । कार्यक्रम विद्यालयका प्रिन्सिपल कृष्ण प्रसाद गैरेको अध्क्षयता र शिक्षक अनन्तराम भण्डारीको सञ्चालनमा सम्पन्न भएको थियो ।
यो समाचार पढेर हजुरले कस्तो महसुस गर्नुभएको छ ??
