काठमाडौँ ।
आईसीसी टी–२० विश्वकपमा सोमबार दुई टेस्ट राष्ट्र दक्षिण अफ्रिका र बंगलादेशबिच भिडन्त हुँदैछ । खेल न्यु योर्कस्थित नासाउ काउन्टी अन्तर्राष्ट्रिय क्रिकेट स्टेडियममा नेपाली समय अनुसार, राति २०ः १५ बजे सुरु हुनेछ । दक्षिण अफ्रिका र बंगलादेश प्रतियोगिताको समूह ‘डी’ मा छन् । नेपाल, श्रीलंका र नेदरल्यान्ड्स पनि यही समूहमा रहेका छन् । यो समूहमा नेपाल र बंगलादेश बाहेक अन्य टोलीले दुई–दुई खेल खेलिसकेका छन् । नेपाल र बङ्गलादेशले भने एक–एक खेल खेलेका छन्।
यो समूहको पहिलो खेलमा दक्षिण अफ्रिकाले श्रीलंकालाई ६ विकेटले हराएको थियो । दोस्रो खेलमा नेदरल्यान्ड्सले नेपाललाई ६ विकेटले पराजित गरेको थियो । तेस्रो खेलमा बङ्गलादेशले श्रीलंकालाई दुई विकेटले हराएको थियो ।
यो समाचार पढेर हजुरले कस्तो महसुस गर्नुभएको छ ??
