बुटवल ।
बुटवलको मिलनचोकमा रहेको डेल्टा मार्टमा लागेको आगो करिब ६/७ घण्टा पछि नियन्त्रणमा आएको छ । गयराती लागेको आगो तीन तलाको मार्टको माथिल्लो तलाबाट सुरु भएको थियो । विद्युत् सर्ट भएर आगलागी भएको हुनसक्ने प्रहरीको प्रारम्भिक अनुमान छ ।
आगोलागीबाट मार्ट पुर्णरुपमा जलेर नष्ट भएको छ । आगलागीबाट करोडौँ रकम बराबरको क्षति भएको अनुमान गरिएको तर यकिन विवरण नआइनसकेको इलाका प्रहरी कार्यालय बुटवलले जनाएको छ ।
आगो निभाउनका लागि रुपन्देहीका तिलोत्तमा, सैनामैना, सिद्धार्थ, देवदह, सुनवल नगरपालिका, कपिलवस्तुको शिवराज नगरपालिका र भैरहवास्थित गौतमबुद्ध अन्तर्राष्ट्रिय विमानस्थलबाट दमकल ल्याइएको थियो ।
यो समाचार पढेर हजुरले कस्तो महसुस गर्नुभएको छ ??
