देवदह।
रुपन्देहीको देवदहमा २१ औँ राष्ट्रिय धान दिवस मनाईएको छ । देवदह नगरपालिकाको आयोजना र निर्माण बहुउद्देश्यीय सहकारी संस्था लिमिटेडकाे व्यवस्थापनमा देवदह- ८ पाकडिमा धान रोपाई कार्यक्रम गरिएको हो ।
कार्यक्रममा बोल्दै नगरपालिकाका नगरप्रमुख धुर्वप्रसाद खरेलले कृषि योग्य जमिनलाई उपयोग गरेर उत्पादनमा जोड दिनुपर्ने बताउनुभयो । उहाले पछिल्लो समय कृषि तर्फ घट्दो आकर्षण रहेको बताउदै कृषिलाई निर्वाह मुखी भन्दा पनि आधुनिक प्रविधिको सहि सदुपयोग गर्दै आत्मनिर्भर बन्नु पर्ने बताउनुभयो । उहाले कृषिलाई व्यवस्थित गर्नु पर्ने र नगरपालिकाले कृषि उद्यमका लागि सहयोग गर्ने बताउनुभयो ।
कार्यक्रममा देवदह नगरपालिकाको नगर उप प्रमुख विद्या लक्ष्मी गुरुङ , निर्माण बहुउद्देश्यीय सहकारी संस्था लिमिटेडका अध्यक्ष मोतिलाल ढकाल लगाएतले आ-आफ्नो भनाई राख्नु भएको थियो । उक्त कार्यक्रममा देवदह नगरपालिकाका प्रमुख प्रशासकीय अधिकृत कृष्ण प्रसाद सापकोटा, जनप्रतिनिधि, कर्मचारी लगाएत किसानहरुको सहभागिता रहेको थियो ।
