काठमाण्डौ ।
स्याङ्जामा खोलाले बगाउँदा एक जनाको ज्यान गएको छ। पुतलीबजार नगरपालिका १ वीरेन्द्रनगरका ७४ वर्षीय तिलबहादुर भुजेललाई खोलाले बगाएको जिल्ला प्रहरी कार्यालय स्याङ्जाले जनाएको छ । शुक्रबार बिहान स्थानीय अर्गौंदी खोला तर्ने क्रममा उनी र उनका छोरा होमबहादुरलाई खोलाले बगाएको हो।
खोलाले बगाएका उनीहरुलाई उद्धार गरी उपचारका लागि अस्पताल लगिएकोमा तिलबहादुरको मृत्यु भएको र होमबहादुरको उपचार भईरहेको पनि प्रहरीले जनाएको छ ।
यो समाचार पढेर हजुरले कस्तो महसुस गर्नुभएको छ ??
