पोखरा ।
कास्कीमा पहिरोले घर पुरिँदा एक जनाको मृत्यु भएको छ । जिल्ला प्रहरी कार्यालय कास्कीका अनुसार पोखरा महानगरपालिका–२७ सहेलपाटामा बुधबार बिहान घरमाथिबाट आएको पहिरोले घर पुरिँदा २२ वर्षीय भीमबहादुर थापाको मृत्यु भएको हो ।
भीमबहादुरकी आमा ५० वर्षीया कमला थापालाई भने प्रहरीले सकुशल उद्धार गरेको प्रहरीले जनाएको छ ।बुधबार बिहान करिब ४ बजेतिर घरमाथिबाट पहिरो खस्दा उनीहरु पुरिएका थिए । इलाका प्रहरी कार्यालय सिसुवाबाट खटिएको प्रहरीले उन्लाई बिहान उद्धार गरेको हो ।
यो समाचार पढेर हजुरले कस्तो महसुस गर्नुभएको छ ??
