काठमाडौँ ।
पूर्वी नवलपरासीको त्रिवेणी गाउँपालिका स्थित गण्डक नहरमा दुई जनाको शव फेला परेको छ । ब्यारेज पुल स्थित गण्डक नहरमा दुई जना पुरुषको शव भेटिएको नवलपरासी प्रहरीले जनाएको छ ।
दुईवटा शव चितवनको भरतपुर महानगरपालिका–२९ स्थित सिमलतालबाट बेपत्ता दुईवटा डिलक्स बसमा सवार यात्रुको भएको आकलन गरिएको छ । शवको सनाखत र पुष्टि गर्ने प्रयास भइरहेको प्रहरीको भनाई छ। शुक्रबार बिहान ३ बजेर ३० मिनेटमा त्रिशूलीमा दुई वटा डिलक्स बस खसेका थिए ।
काठमाडौँबाट गौर जाँदै गरेको बागमती प्रदेश–०३–००१ ख २४९५ नम्बरको गणपति डिलक्स र एन्जल वीरगन्जबाट काठमाडौँतर्फ आउँदै गरेको बागमती प्रदेश–०३–००६ ख १५१६ नम्बरको एन्जल डिलक्स नदीमा खसेका हुन् ।
यो समाचार पढेर हजुरले कस्तो महसुस गर्नुभएको छ ??
