दशैँ सँगै आँखामा आँसु पनि आएको छ।
छोराले पुरानो लुगा बा लाई पठाएको छ।
स्वाद पाएको छैन आजसम्म त के भयो,
एउटा तराजुले मासु जोख्न त पाएको छ।
तिमी चिसा आँखा सुकाउन किन सक्दैनौ,
एक डोरीले यहाँ चिसो लुगा सुकाएको छ
कमसेकम तिमी आएर आगो सल्काइदेउ,
मलाई यो जिन्दगीले अगेनो बनाएको छ।
अहो मेरै पसलमा सिन्दुर किन्न आइपुग्यौ,
तिमीलाई देखेर आज रोदन मुस्कुराएको छ।
प्रदीप रोदन
यो समाचार पढेर हजुरले कस्तो महसुस गर्नुभएको छ ??
