५ कात्तिक, दाङ ।
दाङको बबई नदीमा डुबेर दुई किशोरी बेपत्ता भएका छन् । आज शनिवार दिउँसो तुलसीपुर ११ र दंगीशरण गाउँपालिका वडा नम्बर २ को सिमानामा पर्ने बबई नदीमा नुहाउने क्रममा उनीहरु डुबेर बेपत्ता भएको इलाका प्रहरी कार्यालय तुलसीपुरले जनाएको छ । बेपत्ता हुनेमा दाङको दंगीशरण गाउँपालिका वडा नम्बर २ की अन्दाजी १६ वर्षीया रमा शाही र सल्यान दमाचौर घर भइ मामाघर आएकी अन्दाजी १५ वर्षीया गोमा चन्द रहेको प्रहरीले जानकारी गराएको हो । ति किशोरीहरु सँगै नुहाउन गएकी सोही ठाउँकी १३ वर्षीया निरुता बस्नेतले बताएपछि उनीहरुको खोजीकार्य जारी राखिएको छ । प्रहरी चौकी गोल्टाकुरी, इलाका प्रहरी कार्यालय तुलसीपुर र स्थानीयहरुको संयुक्त टोलीले बेपत्ताको खोजी कार्य जारी राखेको प्रहरीले जनाएको छ ।
यो समाचार पढेर हजुरले कस्तो महसुस गर्नुभएको छ ??
