१२ कात्तिक , दार्चुला ।
भारतले सडक चौडा पार्ने क्रममा महाकाली नदीपारि विस्फोट गराउँदा दार्चुलामा उछिट्टिएको ढुङ्गा लागेर एक बालकको मृत्यु भएको छ । व्यास गाउँपालिका(२ दुम्लिङका हिक्मत महराका छोरा ९ वर्षीय पवनको ढुङ्गा लागेर ज्यान गएको हो भने हिक्मतकी छोरी १४ वर्षीया सरिना घाइते भएकी छिन् । उनको खुट्टामा चोट लागेको छ । अन्तर्राष्ट्रिय सीमा क्षेत्रमा कुनै भौतिक संरचना बनाउँदा दुवै देशले एक अर्कालाई असर नपुर्याई काम गर्नपर्ने र विस्फोट गराउनैपर्ने भए त्यसको सूचना दिनुपर्ने हुन्छ।
तर, हिजो भारतले विस्फोट गराउँदा सूचना नै नदिएको जिल्ला प्रशासन कार्यालय दार्चुलाले जनाएको छ । भारतले अन्तर्राष्ट्रिय सीमा क्षेत्रमा विना सूचना विस्फोट गराउँदा उक्त घटना भएको हो । घाईते बालिकाको अहिले जिल्ला अस्पताल खलङ्गामा उपचार भइरहेको प्रहरीले जनाएको छ ।
यो समाचार पढेर हजुरले कस्तो महसुस गर्नुभएको छ ??
