कुनै कमिला यति साना हुन्छन् कि कहिलेकाँही यिनिहरुलाई देख्नसमेत मुश्किल हुन्छ । यसलाई जोसुकैले पनि कुल्चिन सक्छन् । तर जब यसले टोक्छन्, यिनीहरुको वास्तविक शक्तिबारे थाहा हुन्छ । निकै क्रुरताका साथ टोक्ने यी कमिला खासमा त्यति नै डरलाग्दा देखिन्छन् भन्ने कुरा तपाईंलाई थाहा छ ?
हालै विश्वस्तरमा एक फोटोग्राफी प्रतियोगिताको आयोजना गरिएको थियो । स्मल वर्ल्ड फोटोमाइक्रोग्राफी कम्पिटिसन २०२२ जसमा साना जीवका तस्बिर खिचेर पठाउनुपर्दथ्यो । यो प्रतियोगितामा एक व्यक्तिले कमिलाको अचम्मित पारिदिने तस्बिर खिचेका छन् । कमिलाको अनुहारको यो तस्बिरलाई भयानक भन्न सकिन्छ ।
लिथुआनियाका एक फोटोग्राफर, युजिनियस कपलियाउस्कसले यो तस्बिरलाई कैद गरेर निर्णायकको ध्यान आफूतर्फ आकर्षित गरे । यो तस्बिरको शीर्षक थियो – एन्ट -कम्पोनोटस- । कमिलाको एलियनजस्तो अनुहारलाई एक स्टिरियो ज्ञण्ह् माइक्रोस्कोपले पाँच गुणा ठूलो पारेर खिचिएको थियो । निर्णायकले यो शानदार तस्बिरलाई ‘इमेजेज अफ डिस्टिङ्सन’ वर्गमा राखेर पुरस्कृत गरे। जुम गरिएको यो तस्बिर किन यति डरलाग्दो भयो त रु सायद कमिलाको एन्टिनाले गर्दा यो भयानक देखिएको हुनसक्छ किनभने यी एन्टिना ‘भूत’ को रातो आँखाजस्तै देखिन्छन् । अथवा कमिलाको ब्लेडको धारजस्तो दाँतका कारण पनि यो भयानक देखिएको हुनसक्छ । यी दाँतमार्फत् नै कमिलाले एकैपटकमा निकै गहिरोसँग टोक्न सक्छ ।
कमिला बन्छन् जम्बी
यी तस्बिरले मात्रै कमिलालाई डरलाग्दो देखाएको होइन । हामी तपाईंलाई कमिलाबारे अर्को एउटा चकित पार्ने जानकारी दिदैछौँ । एन्टोमोलजिस्टका अनुसार केही परजीवीले कमिलाको दिमागलाई नियन्त्रण गर्ने गर्छ र यिनीहरुलाई जम्बीमा परिणत गर्ने गर्छ । दिमाग नियन्त्रण गर्ने परजीवीको प्रवेशपछि कमिला कठपुतली झैँ हुन्छ । त्यसपछि यी परजीवी कमिलाको शरीरभित्र फैलिने गर्छ ।
सुरुको एक हप्तासम्म त सब ठिक हुन्छ तर त्यसपछि कमिलाको चालमा परिवतर्न देखिन थाल्छ । सधैँ एउटा लाइनमा हिँड्ने कमिला त्यसपछि कुनै लक्ष्य बिना यताउती हिँड्न थाल्छ, कहिलेकाँही गोलो भएर हिँड्न थाल्छ । यो रोगको अन्तिम चरणमा तिनीहरुले कुनै झाडीको माथिल्लो सतह भेट्टाउँछन्, जसमा तिनीहरुले टोक्छन् र त्यहाँ नै मर्छन् । त्यसपछि यी परजीवी अब तिनीहरुको शरीरबाट निस्किएर कुनै अन्य शिकार खोज्न थाल्छन् ।
-एजेन्सी
