झापा । नेपाल कम्युनिष्ट पार्टी एमालेका अध्यक्ष केपी शर्मा ओलीले जतिसुकै गठबन्धन गरेपनि निर्वाचनपछि नेकपा एमालेको सरकार बन्ने दाबी गरेका छन् ।
झापाको अर्जुनधारास्थित सुखानीमा आयोजना गरिएको चुनावी सभालाई मङ्गलबार सम्बोधन गर्दै ओलीले यस्तो बताएका हुन । झापा क्षेत्र नम्बर २ मा मात्र नभई झापाका पाँच वटै निर्वाचन क्षेत्रमा एमालेका उम्मेदवार विजयी हुने उनको दाबी छ । “गठबन्धनका नाममा जति नै गठबन्धन गरिए पनि चुनावपछि नेकपा एमालेको सरकार बन्ने निश्चित छ ।” उनले भनेका छन । राष्ट्र निर्माणको गहन जिम्मेवारी लिएर हिँडेको एमालेलाई कुनै पनि गठबन्धनले रोक्न नसक्ने उनको भनाइ थियो ।
यो समाचार पढेर हजुरले कस्तो महसुस गर्नुभएको छ ??
