एजेन्सी । अमेरिकाको टेक्सासमा क्यान्सरको उपचारको एउटा अनौठो घटना बाहिरिएको छ । यहाँ ६१ वर्षीया एप्रिल बार्डयूले एक दिनमा फोक्सोको क्यान्सरबाट मुक्ति पाएकी छिन् । डाक्टरहरूले उनको फोक्सोमा ट्युमर पत्ता लगाए र केही घण्टामा नै हटाए ।
रोचक कुरा के छ भने बिरामीलाई क्यान्सर भएको थाहा पनि थिएन । बेहोस भएकै अवस्थामा उनको क्यान्सरबारे पत्ता लागेको थियो । उनलाई क्यान्सर भएको थाहा पाएपछि चिकित्सकहरुले उनको शल्यक्रिया गरिदिए ।
चिकित्सकले परीक्षणपछि तुरुन्तै शल्यक्रिया गरे
न्युयोर्क पोस्टका अनुसारएप्रिल नियमित चेकअपका लागि अस्पताल गएकी थिइन् । सीटी स्क्यानमा उनको दाहिने फोक्सोमा गाँठो देखियो । त्यसपछि डाक्टरहरूले क्यान्सरसँग सम्बन्धित धेरै परीक्षण गरे । एप्रिललाई प्रारम्भिक चरणको फोक्सोको क्यान्सर भएको रिपोर्टमा देखिएको थियो ।
एप्रिललाई पहिले नै परीक्षणको लागि एनेस्थेसिया दिइएको थियो, त्यसैले डाक्टरहरूलाई यो ट्युमर हटाउनको लागि राम्रो समय हो भन्ने लाग्यो । डाक्टरहरुले एक रोबोटिक डिभाइसको मद्दतले तुरुन्त एप्रिलको शल्यक्रिया गरे । डाक्टरहरु शल्यक्रियामार्फत् सानो ट्युमर निकाल्न सफल भए । यसको तीनदिन पछि एप्रिल स्वस्थ भएर घर गइन् ।
फोक्सोको क्यान्सरलाई यसरी चिनौँ
– तीन हप्ताभन्दा बढी समय खोकी लागिरहनु
– खोक्दा मुखबाट रगत आउनु
– सास फेर्दा वा खोक्दा दुख्नु
रिस्क फ्याक्टर
तमाखु, चुरोट, आर्सेनिक र कपर रसायनका बीच काम गर्नु ।
एप्रिलले भनिन्, ‘यस्तो भएको छ भनेर विश्वास नै लागिरहेको छैन’
एप्रिलले डेली मेलसँगको कुराकानीमा भनिन्, ‘यस्तो भएको छ भनेर मलाई विश्वास नै लागिरहेको छैन । केमोथेरापी वा विकिरण थेरापी बिना उपचार हुँदा सहज भयो । ’
वास्तवमा, एप्रिल परीक्षणदेखि उपचारसम्म पूर्ण रूपमा बेहोस थिइन् । शल्यक्रिया केही घण्टामा गरिएको थियो, त्यसैले उनलाई फोक्सोको क्यान्सर भएको थाहा थिएन। यसअघि उनी सन् १९८४ र १९८५ मा लिम्फोमा क्यान्सर र सन् २००२ मा स्तन क्यान्सरसँग जुधिसकेकी छिन् ।
रोबोटिक उपकरणले शल्यक्रिया सहज बनायो
टेक्सास हेल्थ ह्यारिस मेथोडिस्ट अस्पतालका शल्यचिकित्सक डा। रिचर्ड विग्नेसले रोबोटिक यन्त्रको सहयोगमा एप्रिलको शल्यक्रियाका लागि पाँच चिरा मात्रै गरियो । यसमा शरीरबाट क्यान्सर भएको तन्तु निकालियो । यो सामान्य अपरेशन भन्दा धेरै सरल छ, जसमा ठूला चीराहरू बनाइन्छ । यस्तो अवस्थामा बिरामीलाई लामो समयसम्म शल्यक्रियाको आघात पनि हुन्छ । हामी नयाँ प्रविधि अपनाउने टेक्सासको पहिलो अस्पताल हौँ ।’
फोक्सोको क्यान्सर धेरै सामान्य र गम्भीर
फोक्सोको क्यान्सर विश्वव्यापी रूपमा दोस्रो सबैभन्दा सामान्य क्यान्सर हो । पुरुषमा प्रोस्टेट क्यान्सर र महिलामा स्तन क्यान्सर पहिलो नम्बरमा छ । यसले सामान्यतया ४५ वर्षभन्दा माथिका मानिसहरूलाई प्रभावित गर्छ । यसबाट पीडित व्यक्तिको औसत उमेर ७० वर्ष रहेको छ ।
विश्व स्वास्थ्य संगठन ९डब्लुएचओ० का अनुसार फोक्सोको क्यान्सर संसारको सबैभन्दा घातक क्यान्सर हो । जसका कारण वर्षेनी २५ प्रतिशत बिरामीको मृत्यु हुने गरेको छ । सन् २०२० मा, २२।१ लाख मामिलाहरू आएका थिए र १८ लाख बिरामीहरूले ज्यान गुमाएका थिए । क्यान्सरबाट बच्न नियमित चेकअप गरिरहनु धेरै महत्त्वपूर्ण छ ।
