नेपाली काँग्रेसका नेता एवं गुल्मी क्षेत्र नं १ का प्रतिनिधि सभा सदस्य डा चन्द्र भण्डारीले मुलुकको परिवर्तनको खाँचो रहेको बताएका छन। बर्षौदेखी एउटै व्यक्तिले देश चलाउदै आएको भन्दै अब परिवर्तन गर्नुपर्नेमा उनले जोड दिएका हुन । प्रेस यूनियन रुपन्देहीले शनिबार बुटवलमा आयोजना गरेको पत्रकार सम्मेलनमा बोल्दै भण्डारीले पुराना तथा पाका नेताहरुले अब विश्राम लिनुपर्ने बेला भएको बताए । उमेरले नभई सोच र इच्छाशक्तिले युवाको निर्धारण गर्ने बताउँदै उनले आगामी सरकारको नेतृत्व कसले गर्नेभन्दा पनि किन गर्ने भन्ने कुरा महत्वपूर्ण रहेको उल्लेख गरेका छन ।
दलका नेताहरु सरकार गठन र प्रधानमन्त्री को भन्ने विषयमा केन्द्रित भएको बेलामा अब बन्ने प्रधानमन्त्रीले के–के गर्न सक्ने भन्ने विषय महत्वपूर्ण रहेको भण्डारीले बताए । वर्तमान समयमा दलहरुले प्राप्त गरेको निर्वाचनको परिणामलाई लिएर बजारमा विभिन्न अडकलवाजीहरु चले पनि सबैसँग छलफल गरेर निश्कर्षमा जानुपर्ने उनले बताए ।
मुलुकमा परिवर्तनको खाँचो : चन्द्र भण्डारी
यो समाचार पढेर हजुरले कस्तो महसुस गर्नुभएको छ ??
4.6K
208
381
