सियारीमा कराँते प्रशिक्षार्थी खेलाडी ग्रेडिंग कार्य सम्पन्न

जापान गोजुरियो कराते डो केन्वाकाइ रुपन्देहीले प्रशिक्षणमा रहेका प्रशिक्षार्थी खेलाडीहरुको ग्रेडिंग गर्ने कार्य सम्पन्न भएको छ। दुर्गा शैक्षिक गृह सियारी ६, रुपन्देहीमा भएको ग्रेडिंगमा १८० जना बिधार्थी सहभागी भएका थिए। समय समयमा प्रशिक्षार्थी खेलाडीहरुको सिकाई क्षमताको मापन गरिनुले प्रशिक्षार्थीहरुमा थप उत्साह र खेल प्रति रुचि बढ्ने भएकोले हरेक खेलाडीहरुको ग्रेडिंग गर्नु अति जरुरी रहेको दुर्गा शैक्षि गृहका प्रधानाध्यापक कविराज पौडेलले बताउनु भयो। बिशेषगरी कराँते खेलाडीहरुमा ग्रेड अनुसारको प्रशिक्षण र प्रतिस्पर्धा हुने भएकोले ती खेलाडीहरुको गे्रडिंग गर्नु आवस्यक रहने प्रधानाध्यापक पौडेलले उल्लेख गर्नुभयो। खेलाडीहरुको ग्रेडिंग कार्यक्रममा कराँतेका केन्द्रिय उपाध्यक्ष रबि राना, सिनियर प्रशिक्षक यम कु थापा, प्रशिक्षकहरु आशिष गौतम, अनुपम ज्ञवाली, मनिष ढकाल, पर्वत थापा, आकाश थापा र प्रशिक्षार्थी खेलाडीहरुका अभिभावकहरुको समेत उपस्थिति रहेको थियो।