पाल्पाको तानसेनमा नेपाली सेनाले घडेरी खन्ने क्रममा ठूलो संख्यामा तोपका गोला फेला परेका छन। तानसेन नगरपालिका को वडा नंंबर ४ गोलाखानामा घडेरी खन्ने क्रममा ती गोला फेला परेको जिल्ला प्रहरी कार्यालय पाल्पाले जनाएको छ ।
गोला भेटिएको जग्गा पाल्पास्थित नेपाली सेनाको हो। सोही ठाउँमा सेनाले गेस्टहाउस निर्माणका लागि घडेरी खनिरहदा अहिलेसम्म ३०० गोला फेला परेको जनाएको छ।
नेपाली सेनाले धेरै वर्ष पहिला जमिनमुनि ती गोला पुरेको हुनसक्ने प्रहरीको अनुमान रहेको छ । फेला परेका गोला यहाँ के कसरी राखिएको थियो भन्नेबारे थप बुझ्ने काम भइरहेको छ भने अहिले ती गोला तानसेनस्थित सेनाको गणमा राखिएको छ।
यो समाचार पढेर हजुरले कस्तो महसुस गर्नुभएको छ ??
