श्री स्वस्थानी व्रत प्रारम्भ भएको छ । पौष शुक्ल पूर्णिमादेखि सुरु हुने व्रत माघ शुक्ल पूर्णिमासम्म जारी रहने छ । एक महिना लामो गरी मनाईने यो पर्व आजदेखि माघ स्नान गर्ने र अधिकांश हिन्दुले घरमा सात्त्विक भावले श्रद्धा भक्तिपूर्वक श्री स्वस्थानीको पूजा आराधना गरी स्वस्थानी कथा सुन्ने र सुनाउने गरिन्छ ।
१ महिनासम्म विशेष पौराणिक कथा सुनेर श्री स्वस्थानीको व्रत बस्नाले सुखशान्ती, आरोग्य र दिर्घायु प्राप्ती हुने बिश्वास रहीआएको छ। स्वस्थानीको समयमा खासगरी महिलाहरुले राम्रो श्रीमानको कामना गरेर ब्रत बस्ने गर्दछन । श्री स्वस्थानी एउटा प्रेममूलक पौराणिक धर्मग्रन्थ पनि हो।
स्वस्थानी व्रत कथा सत्ययुगमा हिमालयकी पुत्री पार्वतीले महादेव स्वामी पाउँ भनी बालुवाको शिवलिङ्ग बनाई निराहार तपस्या गरी मनोकाङ्क्षा पूरा भएको भन्ने किम्बदन्ती रहेको छ । शिवपार्वतीको विवाह भइसकेपछि लोककल्याणका निम्ति परम्परागत रुपमा सोही व्रत कथा प्रचलन हुदै आएको मानिन्छ । घरपरिवारको सुस्वास्थ्य र सुख शान्तिको कामना गर्दै शालीनदीमा महिलासँगै पुरुषसमेत व्रत बस्ने परम्परा छ ।
