कञ्चन//
रुपन्देहीको कञ्चन गाउापलिका वढा नं ३ स्थित गुम्बा मगर टोलमा रहेको मैत्री बुद्ध बिहारमा बुद्धको मुर्ति प्रतिस्थापन गरिएको छ। भिक्षु अशोक महास्थविरले एक कार्यक्रमका बिच शान्ती र्यालीमा सहभागि हुदै उक्त बिहारमा बुद्धको मुर्ति प्रतिस्थापन गर्नु भएको हो। चन्दगिरी नगरपालिका वडा नं ३ थानकोट काठमाण्डौ निवासी पृथिनारायण मानन्धरद्वारा दान गरिएको बुद्धको मुर्ति विश्व शान्तीको कामना गर्दै भिक्षु अशोक महास्थविरले प्रतिस्थापन तथा अनावरण गर्नु भयो।
मुर्ति प्रतिस्थापन गर्नु पुर्व कञ्चन गाउँपालिकाका अध्यक्ष नवराज ढकाल, उपाध्यक्ष मौसमी थापा मगर, वडा नं ३ का वडाअध्यक्ष टिकाराम सापकोटा, वडा नं। ४ का वडा अध्यक्ष केश रब हादुर खत्री, कार्यपालिका सदस्य सुशिला थापा, बौद्ध भिक्षु तथा भिक्षुणाी, उपासक तथा उपासिका सहित स्थानीयहरुको सहभागितामा शान्ती र्याली समेत गरिएको कार्यक्रमको अध्यक्षता मैत्री बुद्ध बिहार व्यबस्थापन समितिका अध्यक्ष चक्र बहादुर थापा मगरले गर्नु भएको थियो । शान्ती र्याली तथा मुर्ति अनावरण कार्यक्रमका लागि मगर बौद्ध सेवा समाज, लुम्बिनी प्रदेशका उपाध्यक्ष पार्वती घर्ति मगर र भैरब बहादुर थापा मगरले सहजिकरण गर्नु भएको थियो।
