अजय मिश्र, कृष्णनगर//
अप्सरा मिडिया प्रालिले कृष्णनगरमा आज न्यानो कपडा बितरण गरेको छ । कपिलवस्तु जिल्लाको कृष्णनगर नगरपालिकाबाट संचालित अप्सरा मिडिया प्रालिले कृष्णनगरमा आज गरिब असहाय बर्गलाई जाडोमा न्यानो होस भन्ने उद्देश्यका साथ १७ जनालाई ज्याकट वितरण गरिएको छ। कृष्णनगर नगरपालिका वडा नं २ मा रहेको अलहुदा पब्लिक स्कूलको हलमा एक कार्यक्रमको आयोजना गरि न्यानो ज्याकेट वितरण गरिएको हो।
दिन प्रतिदिन जाडो बढ्दै गएकाले गरिब, असहाय तथा एकल परिवार रहेका व्यक्तिलाई ज्याकेट वितरण गरिएको अप्सरा मिडिया प्रालिका अध्यक्ष संचारकर्मी शहबाज खानले बताउनुभएको छ ।
न्यानो ज्याकेट पाएपछि खुशी हुँदै विधार्थीहरुले ज्याकेट उपलब्ध गराएकोमा मिडिया प्रालिलाई धन्यवाद दिएका थिए । उक्त ज्याकेट वितरण कार्यक्रममा मोहम्मद मुस्लिम, अमन खान, अनिसुर रहमान, कादिर खान, इन्जीनियर शइद अकतर, आमिर खान, अनेक पाण्डे, निरहु यादव, कमलेश चन्द गुप्ता लगायतको उपस्थिती रहेको थियो।
