पोखरा//
आज विहान यती एयरलाइन्सको विमान दुर्घटना भएपछि पोखरा अन्तर्राष्ट्रिय विमानस्थलबाट हुने सम्पूर्ण उडान स्थगित भएको छ । त्रिभुवन अन्तर्राष्ट्रिय विमानस्थलका प्रवक्ता टेकनाथ सिटौलाले दुर्घटना भएपछि पोखरा विमानस्थलबाट भाेलि साेमवारका लागि हुने सबै उडान स्थगित गरिएको जानकारी दिनुभयो ।
यति एअरलाइन्सले भाेलि साेमवारका लागि निर्धारित सबै उडान पनि रद्ध गरेको छ । आज आइतवार भएकाे विमान दुर्घटनाकाे शाेकमा भाेलिकाे उडान रद्द गरिएकाे एअरलाइन्सले सूचना निकालेर जानकारी दिएकाे छ ।
विमानमा चालक दलका चार जना र ६८ जना यात्रु सवार थिए । विमान वरिष्ठ क्याप्टेन कमल केसी र अञ्जु खतिवडाले उडाएका थिए । प्राधिकरणका अनुसार आठ जना विदेशी नागरिक र ६० जना नेपाली नागरिक थिए । जसमा ६२ जना वयस्क, तीन जना बालबालिका, तीन जना असक्त भएका व्यक्ति सवार थिए ।
यो समाचार पढेर हजुरले कस्तो महसुस गर्नुभएको छ ??
