काठमाण्डौ//
वरिष्ठ नेत्र चिकित्सक डा.सन्दुक रूइतलाई ‘मानवता सेवाका लागि इसा पुरस्कार’ प्रदान गरिने भएको छ। बहराइन सरकारले हरेक दुई वर्षमा प्रदान गर्दै आएको स्वर्ण पदक र १० लाख डलर राशीको उक्त प्रतिष्ठित पुरस्कार यस वर्ष नेपाली डा. रूइतलाई दिने भएको हो। पुरस्कारका लागि यस वर्ष मनोनीतहरू मध्ये डब्ल्यूएचओ फाउन्डेसन पनि रहेकोमा निर्णायकहरूले डारुइतलाई छनोट गरेका हुन ।
पुरस्कार विपत् रोकथाम र राहत, शिक्षा र मानव सहिष्णुता लगायत ११ वटा विधामध्येबाट प्रदान गरिन्छ। मोतीबिन्दुको शल्यक्रिया गरी एसिया र विश्वका अन्य भागमा एक लाख ८० हजारभन्दा बढी मानिसलाई दृष्टि दिन मद्दत गरेका आधारमा डा.रुइतलाई पुरस्कार प्रदान गरिएको गल्फ न्युजले जनाएको छ ।
यो समाचार पढेर हजुरले कस्तो महसुस गर्नुभएको छ ??
