नेपालगञ्ज//
फिलिपिन्सको मनिलामा यही फ्रेब्रुअरी १३ देखि १८ (फागुन १ गते देखि ६ गते) सम्म हुने लिटिल एण्ड टिन गाल्म इन्टरनेश्नल २०२३ सिजन ४ मा प्रतिस्पर्धामा नेपालगञ्जका सजल शर्माले सहभागिता जनाउने भएका छन। गुसी इभेन्ट म्यानेजमेण्टको आयोजनामा हुने अण्डर १४ को प्रतिनिधित्व गर्दै नेपालको तर्फबाट मिस्टर टिन गाल्म इनटरनेश्नल प्रस्पिर्धामा सहभागिता जनाउन शर्माले फिलिपिनसको मनिलामा जाने भएका हुन।
४० देशका करिब १५० जना प्रतिस्पर्धीहरुले सहभागिता जनाउने प्रतियोगितामा सजल शर्मा लाई मजेस्टिक ग्रुप इन्टरटेन्मेन्टका डाइरेक्टर मञ्जेस गिरीले संगै लिएर जानेछन। सौन्दर्य प्रतियोगिताको रुपमा लिटिल एण्ड टिन गाल्म इन्टरनेश्नल २०२३ को सिजन ४ मा मिस्टर टिनका लागि सजलले भाग लिन जाने भएपनि र मिस टिनका लागि कसले सहभागिता जनाउने भन्ने कुनै निश्चित नभइसकेको मजेस्टिक ग्रुप इन्टरटेन्मेन्टका डाइरेक्टर मञ्जेस गिरीले जनाएका छन।
सन २०१७ देखि यो प्रतियोगिता सञ्चालन हुदै आइरहेको छ।
