काठमाण्डौ//
आउँदो सोमबार रातिदेखि देशभर पानी पर्ने मौसमविदले अनुमान गरेका छन । सोमबार रातीदेखी पश्चिम नेपालबाट सुरु भएर बिहिबारसम्म काठमाण्डौ लगायतका क्षेत्रमा सामान्यदेखि मध्ययम वर्षाको सम्भावना रहेको मौसमविद् विनोद पोखरेलले जानकारी दिनुभएको छ । हिमाली भेगमा भने मंगलवारपछि एक हप्तासम्म हिमपातको सम्भावना रहेको उहाँले बताउनुभयो । साथै यस बर्षको हिउँदमा बितेको ३० वर्ष यताकै सबैभन्दा कम वर्षा भएको छ ।
मौसम विज्ञान विभागको तथ्यांक अनुसार सन् १९९१ पछि यो वर्षको हिउँदमा सबैभन्दा कम पानी परेको हो । सन् १९९१ देखि सन् २०२० सम्मको डिसेम्बर १ देखि जनवरी १८ सम्ममा औसतमा १२ दशलमव ६ मिलिमिटर पानी परेको थियो । तर यसपालिको डिसेम्बर १ देखि जनवरी १८ सम्ममा शुन्य दशमलव एक मिलिमिटर मात्रै पानी परेको मौसम विज्ञान विभागको तथ्यांक छ ।
यो समाचार पढेर हजुरले कस्तो महसुस गर्नुभएको छ ??
