दीपकसुमन जैसवाल, गैडहवा//
रुपन्देहीको गैडहवा गाउँपालिका वार्ड न ५ कार्यलयले ४३२ जना जेष्ठ नागरिक एकल महिला तथा अपांगता भएका व्यक्तिहरुलाइ सम्मान तथा नयानो कपडाको रुपमा फाईबर सिरक वितरण गरिएको छ । न्यानो कपडा वितरण गर्दै गैडहवा गाउँपालिका सुरेन्द्र पौडेलले गैडहवा गाउँपालिकाका जेष्ठ नागरिक अपांगता भएका र एकल महिलाहरुलाई वा गर्नु नै गाउँपालिकाको प्रमुख काम रहेको बताउनुभयो ।
अध्यक्ष पौडेलले जेष्ठ नागरिक एकल महिला अपांगता भएका व्यक्तिहरुको सेवा र सम्मान तथा पालिकाको बिकासमा पालिकाका जनप्रतिनिधि, कर्मचारी, राजनीतिक दल, समाजसेवी, बुद्धिजीवी सबैको आपसी सहयोग, समन्वय र सहकार्य आवस्यक रहने उल्लेख गर्नुभयो। बिकासमा एक हुनुपर्नेमा जोड दिनुभयो ।
वाडअध्यक्ष बिजय कुमार शर्माको अध्यक्षतामा भएको कार्यक्रममा गाउँपालिका उपाध्यक्ष माधुरी जैसवाल, प्रमुख प्रशासकीय अधिकृत कृष्ण प्रसाद पन्थी, जनप्रतिनीधि लगायतको उपस्थिति रहेको थियो। कार्यक्रमको संचालनमा वडा सचिव शिवचरण मौर्यले गर्नुभएको थियो ।
