कञ्चन ।
महाशिव रात्रीको अवसरमा अयोजना हुन लागेको छैठौं रवि किरण स्मृति बि लेभल भलिवल प्रतियोगिता २०७९ तथा महाशिव रात्रीमेलामा सांगेतिक प्रस्तुतीका लागि चर्चित गायिक अस्मिता अधिकारी रुपन्देहीको कञ्चनमा आउने भएकी छिन । जनआस्था पृथ्वी क्लव, कञ्चन ४ रुपन्देहीको आयोजनामा सञ्चालन हुने महाशिवरात्री मेलामा गायिका अस्मिता अधिकारीले विभिन्न सामाजिक सञ्जाल मार्फत सांगेतिक प्रस्तुती लिएर कञ्चनमा आउने कुराको जानकारी दिएकी हुन। कञ्चन ४ स्थित बुद्ध सामुदायिक टोलमा रहेको बुद्ध रंगशालामा हुने उक्त मेलामा गन्तब्य व्याण्ड र र्यापर डिजे मारियोको समेत विशेष प्रस्तुती रहने क्लवका अध्यक्ष उदय आले मगरले जानकारी दिनुभएको छ। अस्मिता अधिकारीको सांगेतिक प्रस्तुती भोली ५ गते सांझ ६ बजेदेखि हुने क्लबका सचिव हिमाल थापाले जानकारी दिनुभएको छ।
जनआस्था पृथ्वी क्लवका पुर्व सदस्यहरु रवि गुरुङ्ग र किरण श्रेष्ठको स्मृतिमा हरेक बर्ष महाशिव रात्रीको अवसरमा क्लवले रवि किरण स्मृति कप भलिवल प्रतियोगिता तथा मेलाको आयोजना गर्दै आएको छ। स्मृति कप २०७९ अन्तर्गत वि लेभलको भलिवल प्रतियोगिता हिजो फागुन ३ गते देखि शुरु भएको छ। प्रतियोगितामा विजेता टिमले ५१ हजार १ सय ११ रुपैया र उपविजेता टिमले ३१ हजार १ सय ११ रुपैया सहित कप र मेडल प्राप्त गर्ने क्लवका अध्यक्ष आले मगरले जानकारी दिनुभएको छ। यस्तै प्रतियोगिताको अन्तिम ४ मा पुग्ने २ टिमले जनही ५(५ हजार रुपैया प्राप्त गर्ने छन भने उत्कृष्ट खेलाडीले नगद २ हजार रुपैया पाउने छन।
यस्तै उत्कृष्ट सेटर, डिफेण्डर, सर्भर र स्पाइकरलाई समेत आयोजकले पुरस्कारको व्यबस्था गरेको छ। देशविदेशमा रहेका क्वलका सदस्य तथा शुभेच्छुकहरुबाट प्राप्त सहयोग र कञ्चन गाउँपालिकाको समेत आर्थिक सहयोग समेत रहेको महाशिव रात्री मेलामा दर्शकहरुको उत्साहजनक उपस्थिती रहने आयोजकले अपेक्षा गरेको छ। शिवरात्रीको दिन फागनु ६ गते शनिबार गन्तब्य व्याण्ड र र्यापर डिजे मारियोको सांगेतिक प्रस्तुतीसंगै रबि किरण स्मृति कप बि लेभल भलिवल प्रतियोगिताको फाइनल हुने आयोजकले जनाएको छ।
