काठमाण्डौ ।
आईसीसी विश्व कप क्रिकेट लिग–२ अन्तर्गत यूएईमा त्रिदेशीय एकदिवसीय शृङ्खला खेलेर नेपाली टोली आज मङ्गलवार स्वदेश फिर्ता भएको छ। नेपाली टोलीलाई त्रिभुवन अन्तर्राष्ट्रिय विमानस्थलमा नेपाल क्रिकेट सङ्घ (क्यान) र राष्ट्रिय खेलकुद परिषद् (राखेप)का पदाधिकारीले स्वागत गरेका हुन। यूएई र पपुवा न्युगिनी सम्मिलित शृङ्खलाका चार वटामध्ये नेपालले तीन वटा खेलमा जित हासिल गरेको छ ।
नेपालले पीएनजीलाई दुईवटै खेलमा हराउँदा यूएईसँग एकमा जित र एकमा हार बेहोरेको हो । जितसँगै नेपालले सोझै विश्वकप छनोट खेल्ने सम्भावना कायमै राखेको छ। अव पर्सि बिहीबारदेखि नेपालमा हुने शृङ्खलाका चार वटै खेल जितेमा नेपालले विश्वकप छनोट खेल्न पाउनेछ ।
यो समाचार पढेर हजुरले कस्तो महसुस गर्नुभएको छ ??
