देवदह // रूपन्देहीको देवदह-२ ढेकावरमा अवस्थित नमूना एभरग्रीन इङ्लिस बोर्डिङ स्कुलमा ‘अभिभावक अभिमुखीकरण’ कार्यक्रम सम्पन्न भएको छ।
स्कूलले आज एक कार्यक्रमविच “सफल अभिभावकत्व एक अभियान” सहित अभिभावक अभिमुखीकरण कार्यक्रम गरेको हो। कार्यक्रमको सहजीकरण टाक्स नेपालका प्रबन्ध निर्देशक अर्जुन भट्टले गरेका थिए।
कार्यक्रममा बोल्दै विद्यालयका प्रबन्ध निर्देशक विष्णुप्रसाद पौडेलले आगामी दिनमा अझै बालमैत्रीपूर्ण वातावरणको विकास गरेर सिकाइ सहजीकरण गर्दै लैजाने र फरक ढङ्गबाट शिक्षण सिकाइ गरिने योजना रहेको समेत बताउनुभयो। त्यसैगरी कार्यक्रममा देवदह इङ्लिस बोर्डिङ स्कुलका प्रबन्ध निर्देशक सुजता लामिछाने, शिक्षक अभिभावक सङ्घका पदाधिकारीहरू तथा करिब २५० जना अभिभावकहरूको उपस्थिति रहेको थियो।
कार्यक्रम विद्यालयका प्रिन्सिपल कमल पौडेलको अध्यक्षता र प्राथमिक तह इन्चार्ज सृष्टि बरालको सञ्चालनमा सम्पन्न भएको थियो।
