काठमाण्डौ ।
आईसीसी विश्व कप क्रिकेट लिग–२ अन्तर्गत त्रिदेशीय एकदिवसीय शृङ्खलामा यूएईले पपुवा न्युगिनी (पीएनजी) लाई ६ विकेटले हराएको छ । पीएनजीले दिएको २ सय ३५ रनको लक्ष्य यूएईले ६८ बलअघि नै ३८ ओभर ४ बलमा ४ विकेट गुमाउँदै भेटायो । यसअघि त्रिवि क्रिकेट मैदानमा टस जितेर ब्याटिङ गरेको पीएनजीले निर्धारित ५० ओभरमा ७ विकेट गुमाएर २ सय ३४ रन बनायो ।
योसँगै पीएनजीले लिग–२ का सबै खेल खेलेको छ । पीएनजी ३६ खेलमा ११ अङ्कसहित तालिकाको पुछारमा रहेको छ। यूएईले अन्तिम खेलमा भोलि बिहीवार नेपालसँग खेल्नेछ । तालिकामा यूएई ३५ खेलमा ३३ अङ्कका साथ छैटौँ स्थानमा छ । नेपाल ३५ खेलमा ३८ अङ्कका साथ चौथो स्थानमा छ ।
यो समाचार पढेर हजुरले कस्तो महसुस गर्नुभएको छ ??
