काठमाण्डौ ।
खेलकुदको माध्यमबाट बिदेशी भुमि युएईमा रहेका नेपालीहरु बिच आपसी सदभाव र सहकार्यको बिकास गर्ने उद्देश्यका साथ गोर्खाली फुटबल क्लबको आयोजनामा युएईको दुबईमा फुटवल प्रतियोगिता सम्पन्न भएको छ। युएई नेपाली फुटवल एशोसिएसन unfa(Uae nepalese football asssociation) को सहकार्यमा भएको दोश्रो गोर्खाली कप फुटबल प्रतियोगितामा युएईमा रहेका नेपालीहरुको १२ फुटबल टिमहरुले सहभागीता जनाएका थिए। प्रतियोगिता स्थल वरपर नेपाली खानाका परिकारहरु मम, चाउमिन लगायतका स्टलहरु खेल हेर्न आउने दर्शकहरुलाई आफ्नै मातृभुमीमै खेल हेरिरहेको होकि भन्ने आभास दिलाएको आयोजक संस्थाका राजेन्द्र थापाले जानकारी दिनुभयो।
मेची महाकाली फुटबल क्लब र मर्स्याङ्दी फुटबल क्लब बिच भएको फाइनल खेलमा मेची महाकाली क्लबले यस बर्षको गोर्खाली कप सहितको उपाधी हात पार्न सफल भएको थियो। दुई दिन सम्म सञ्चालित प्रतियोगितामा उत्कृष्ट खेलाडीको रुपमा मेची महाकालीका प्रकान्त खड्का, सर्बाधिक गोलकर्ता मर्स्याङ्दी क्लबका अमोल डाङ्गी, उत्कृष्ट गोल रक्षक मेची महाकालीका पाल छिरिङ तामाङ घोषित भएका छन। आगामी अप्रिल २२ गतेको दिन पनि मेची महाकाली क्लबको आयोजनामा फुटबल प्रतियोगिता हुने गोर्खाली क्लबका प्रेम ठकुरी जि र मेची महाकालीका वीर बहादुर लामाजिले जानकारी दिनुभयो।
