एजेन्सी ।
पन्जाब कांग्रेसका पूर्व अध्यक्ष नवजोत सिंह सिद्धुकी पत्नी नवजोत कौर सिद्धुले आफूलाई दोस्रो स्टेजको क्यान्सर भएको बिहीबार बताएकी छन् । ट्विटरमा यो जानकारी दिँदै उनले हाल जेलमा रहेका नवजोत सिंह सिद्धुका लागि सन्देश पनि लेखेकी छिन् । नवजोत कौर सिद्धु लेख्छिन्, ‘उनी ९नवजोत सिंह सिद्धु० आफूले नगरेको अपराधको लागि जेलमा छन् । यसमा संलग्न सबैलाई माफ गर्नुहोस् । बाहिर बसेर तपाईँलाई हरेक दिन पर्खनु धेरै पीडादायी छ। केहि भएको छ, मलाई थाहा छ यो खराब छ ।’ तिमीलाई पर्खिरहेछु, बारम्बार न्याय नपाएको देखेँ । तर, सत्य धेरै शक्तिशाली हुन्छ र तपाईँलाई कडा परीक्षा लिन्छ । कलियुग । माफ गर्नुहोस् तपाईँलाई पर्खन सक्दिनँ किनभने यो दोस्रो चरणको आक्रामक क्यान्सर हो । आज शल्यक्रिया हुनेछ । यो कसैको गल्ती होइन किनभने यो भगवानले गरेको निर्णय हो।’ अमृतसरका पूर्व विधायक नवजोत सिंह सिद्धु सन् १९९८ को रोड रेज मुद्दामा एक वर्षको जेल सजाय भोगिरहेका छन् । उनी पटियाला सेन्ट्रल जेलमा छन् । उनलाई गत वर्ष मे २० मा जेल पठाइएको थियो । उनले पटियाला अदालतमा आत्मसमर्पण गरेका थिए ।
