१६ चैत्र, काठमाडौं ।
प्रहरीले झण्डै १७ करोडको कोकिनसहित दुई भारतीय महिला पक्राउ परेका छन । करिब ८ किलोग्राम कोकिनसहित पक्राउ पर्नेमा ४५ वर्षकी भल्लालामी र २९ वर्षकी इस्टर लालिम्पुरी पक्राउ परेकी हुन् । प्रहरीको लागू औषध नियन्त्रण ब्यूरोले काठमाडौंबाट नयाँदिल्ली जान लागेकी अवस्थामा उनीहरुलाई विशेष सूचनाको आधारमा पक्राउ गरेको हो । उनीहरुको साथबाट २ किलो ८८७ ग्राम कोकिन बरामद गरेको ब्यूरोले जनाएको छ ।
त्यस्तै १४ चैतमै भारतीय नागरिक २९ वर्षकी इस्टर लालिम्पुरीलाई ठमेलको एक होटलबाट ५ किलो कोकिनसहित पक्राउ गरेको गरिएको हो । ब्यूरोका प्रवक्ता एसपी चक्रराज जोशीका अनुसार उनीहरु दुवै जनाबाट बरामद भएको कोकिनको मूल्य १७ करोड ३ लाख ५९ हजार २०० रुपैयाँ रहेको छ ।
यो समाचार पढेर हजुरले कस्तो महसुस गर्नुभएको छ ??
