कपिलवस्तु ।
कपिलवस्तुमा लागूऔषधसहित २ जना पक्राउ परेका छन। यशोधरा गाउँपालिका–६ पुर्निहवास्थित सडकबाट अवैध लागूऔषध ब्राउन सुगर जस्तो देखिने पदार्थ ३ ग्रामसहित २ जनालाई प्रहरीले पक्राउ गरेको हो । भारतका ३६ वर्षीय गोरख यादवलाई शनिबार साँझ लागूऔषधसहित प्रहरीले पक्राउ गरेको हो। उनी आउँदै गरेको युपि ५५ एएफ ६२४० नम्बरको मोटरसाइकल जाँच गर्ने क्रममा उक्त लागुऔषधसहित पक्राउ गरेको प्रहरीले जनाएको छ ।
यता मायादेवी गाउँपालिका ४ चाकरचौडाबाट अवैध लागूऔषध १० ग्राम ब्राउन सुगर जस्तो देखिने पदार्थ सहित एक जनालाई प्रहरीले पक्राउ गरेको छ । बाणंगगाका ३४ वर्षीय ओमबहादुर रानालाई ईलाका प्रहरी कार्यालय चाकरचौडाबाट खटिएको प्रहरीले भारतबाट नेपालतर्फ आउँदै गरेको लु ३० प ५४७३ नम्बरको मोटरसाइकललाई जाँच गर्ने क्रममा उक्त पदार्थसहित फेला पारी पक्राउ गरेको हो ।
यो समाचार पढेर हजुरले कस्तो महसुस गर्नुभएको छ ??
