काठमाण्डौ ।
पछिल्लो २४ घण्टामा ८० जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार पीसीआर र एन्टिजेन गरी एक हजार एक सय १७ जनाको नमुना परीक्षण गर्दा ८० जनामा सङ्क्रमण पुष्टि भएको हो । यही अवधिमा थप १२ जना सङ्क्रमित निको भएका छन् भने अहिलेसम्म नेपालमा कोरोना भाइरसका सक्रिय सङ्क्रमितको सङ्ख्या दुई सय ७९ पुगेको छ । मन्त्रालयले जनस्वास्थ्यका मापदण्डको पालना गर्न गराउन र सम्भावित जोखिमबाट बच्न आग्रह गरेको छ ।
यो समाचार पढेर हजुरले कस्तो महसुस गर्नुभएको छ ??
