प्युठान। प्युठानको सरुमारानी गाउँपालिकामा जग्गाको कित्ताकाट खुलेको छ ।
स्थानिय भूउपयोग कार्यान्वयन समितिको सिफारिसका आधारमा यहि चैत्र २४ गते शुक्रवारदेखि कित्ताकाट खुलाउने निर्णय गरिएको मालपोत कार्यालय जस्पुरका प्रमुख सरोज अधिकारीले जानकारी दिनुभयो । उहाका अनुसार जिल्लाका ९ स्थानिय तहमध्ये सरुमारानी गाउंपालिका जग्गा बर्गिकरणसंगै जग्गाको कित्ताकाट खुलाउने पहिलो पालिका बनेको छ ।
सरुमारानीमा अब आवासिय क्षेत्रमा चार आना र कृषि क्षेत्रमा दुई रोपनी जग्गाको कित्ताकाट गर्न पाइनेछ । यो निर्णय कार्यान्वयन भएसँगै पालिकाभित्रका जग्गाको कित्ताकाट खुला हुँदा नागरिकलाई राहत हुने सरुमारानी गाउँपालिका अध्यक्ष झग बहादुर विश्वकर्माले बताउनुभयो ।
जिल्लाका अन्य स्थानीय तहले जग्गा वर्गीकरणको काम भईरहेको जनाएका छन।
यो समाचार पढेर हजुरले कस्तो महसुस गर्नुभएको छ ??
