काठमाण्डौ ।
बाग्मती प्रदेशका मुख्यमन्त्री शालिकराम जम्कट्टेलले प्रदेशमा आफूले सम्हालेका आठमध्ये दुई वटा मन्त्रालयमा दुई जना मन्त्रीलाई नियुक्त गरेर मन्त्रिपरिषद् विस्तार गर्नुभएको छ । कांग्रेस संसदीय दलका नेता बहादुरसिंह लामाको नेतृत्वमा कांग्रेस प्रदेश सरकारमा गएसंगै लामा आर्थिक मामिला तथा योजनामन्त्री र काभ्रेका कांग्रेस सांसद तीर्थ लामा खानेपानी ऊर्जा तथा सिँचाइमन्त्रीका रूपमा नियुक्त हुनुभएको छ । उहाँहरु दुवै जना मन्त्रीलाई प्रदेश प्रमुख यादवचन्द्र शर्माले आईतबार शपथ ग्रहण गराउनुभएको छ । अझै मुख्यमन्त्रीले अरू पाँच वटा मन्त्रालयको जिम्मेवारी लिनुभएको छ ।
यो समाचार पढेर हजुरले कस्तो महसुस गर्नुभएको छ ??
