काठमाडौं ।
इन्डियन प्रिमियर लिग (आईपीएल) क्रिकेट प्रतियोगितामा दिल्ली क्यापिटल्सले जित हाँसिल गरेको छ । मंगलबार राति भएको खेलमा गुजरात टाइटन्समाथि ५ रनको रोमाञ्चक जित निकालेको हो। आईपीएल अंक तालिकामा दिल्ली सबैभन्दा तल र गुजरात सबैभन्दा माथि रहेको टोली हो। गुजरातको घरेलु मैदानमा भएको उक्त खेलमा दिल्लीले पहिलो ब्याटिङ गर्दै निर्धारित ओभरमा ८ विकेट गुमाएर १ सय ३० रन बनाएको थियो ।
जवाफी ब्याटिङमा गुजरातले भने निर्धारित ओभरमा ६ विकेट गुमाएर १ सय २५ रनमात्र बनाउन सक्यो । जारी प्रतियोगितामा दिल्लीको यो तेस्रो जित हो भने गुजरातको तेस्रो हार हो । टस जितेर पहिले ब्याटिङ गरेको दिल्लीका लागि अमन हकिम खानले सर्वाधिक ५१ रनको योगदान गरेका थिए । उनले ४४ बलको सामना गरी ३ छक्का र ३ चौका हानेको थियो।
यो समाचार पढेर हजुरले कस्तो महसुस गर्नुभएको छ ??
