काठमाण्डौ ।
एसीसी प्रिमियर कप विजेता नेपाली राष्ट्रिय टोलीका प्रत्येक खेलाडीलाई नेपाल सरकारले ६ लाख रुपैयाँ दिने भएको छ। प्रधानमन्त्री पुष्पकमल दाहाल प्रचण्डका अनुसार बुधबार बसेको मन्त्रिपरिषद् बैठकले विजेता खेलाडीलाई प्रति खेलाडी ६ लाख रुपैयाँ र अफिसियललाई जनही ३ लाख रुपैयाँ नगद पुरस्कार दिने निर्णय भएको हो । दुई दिनसम्म भएको एसीसी प्रिमियर कपको फाइनल खेलमा नेपालले युएईलाई ७ विकेटले पराजित गर्दै उपाधि हात पारेको थियो । साथै यो जितसँगै नेपालले अब पाकिस्तान र भारत रहेको समूह ए बाट एसिया कप खेल्ने अवसर पाएको छ ।
यो समाचार पढेर हजुरले कस्तो महसुस गर्नुभएको छ ??
