सङ्खुवासभा ।
सङ्खुवासभाको भोटखोला गाउँपालिका–४ मा सिम्रिक एअरको हेलिकोप्टर दुर्घटनामा परी घाईते भएका एक जनाको ज्यान गएको छ । दुर्घटनामा स्थानीय भविन गुरुङको उपचारको क्रममा ज्यन गएको सङ्खुवासभाका प्रहरी नायब उपरीक्षक (डीएसपी) वीरेन्द्र गोदारले जानकारी दिनुभएको छ। हेलिकप्टरमा रहेका अन्य चार जना गम्भीर घाइते भएको उहाँको भनाई छ । आज शुक्रबार दिउँसो १ बजेको समयमा भोटखोला–४ हम्मरेडाँडामा रुखमा ठोक्किएर हेलिकोप्टर दुर्घटना भएको प्रहरीले बताएको छ । दुर्घटनामा पाइलट सुरेन्द्र पौडेल, को–पाइलट छिरिङ भोटे, मनोज थापा र नेपाल विद्युत् प्राधिकरणका कर्मचारी विक्रम शङ्कर गम्भीर घाइते भएका छन । उनीहरुको काठमाण्डौमा उपचार भईरहेको छ ।
यो समाचार पढेर हजुरले कस्तो महसुस गर्नुभएको छ ??
