अर्घाखाँची ।
आगोले जलेर ज्यान गुमाएका अर्घाखाँचीका ४ जनाकै सामुहिक अन्त्येष्टि गरिएको छ। भूमिकास्थान नगरपालिकाको ढाकाबांगका चार जनाको खाकाबेसीको बघमारे घाटमा सामूहिक दाहसंस्कार गरिएको भूमिकास्थान–१ का वडाध्यक्ष गोपाल खनालले जानकारी दिनुभएको छ ।
गत मङ्गलवार भूमिकास्थान–२ तिरतिरे गाउँमा सल्किएको आगो निभाउने क्रममा घाइते भएका ७२ वर्षीय पिताम्बर बेल्वासे, ५५ वर्षीय पदम बेल्वासे, ५२ वर्षीय घनश्याम बेल्वासे र ३६ वर्षीय माधव बेल्वासेको ज्यान गएको हो । आगलागीमा परेर घाइते भएकी २६ वर्षीया अस्मिता बेल्वासेको अवस्था सुधार भइरहेको बताईएको छ। अहिले उनको पाल्पाको मिसन अस्पतालमा उपचार भइरहेको छ ।
यो समाचार पढेर हजुरले कस्तो महसुस गर्नुभएको छ ??
