काठमाण्डौ ।
शुक्रबार त्रिपुरेश्वरको कभर्ड हलमा भएको नेपाल एनएससी–काभा महिला भलिबल च्यालेन्ज कपको दोस्रो सेमिफाइनल खेलमा काजकिस्तानले दुई संस्करणको च्याम्पियन नेपाललाई ३–२ को सेटमा हराएको छ । यो संगै नेपाल एनएससी–काभा महिला भलिबल च्यालेन्ज कपको फाइनलमा पुग्न असफल भएको छ। निकै प्रतिस्पर्धात्मक खेलमा पहिलो सेट काजकिस्तानले ३०–२८ ले जितेको थियो। दोस्रो र तेस्रो सेट नेपालले २५–१६ र २५–१५ ले जित्यो । चौथो र पाँचौँ सेट काजकिस्तानले २५–१८ र १५–७ ले जितेका थियो। काजकिस्तानले फाइनलमा आउँदो आइतबार भारतसँग खेल्नेछ । आज भएको पहिलो सेमिफाइनल खेलमा उज्बेकिस्तानलाई ३–० को सोझो सेटमा हराउँदै भारत फाइनल पुगेको हो ।
यो समाचार पढेर हजुरले कस्तो महसुस गर्नुभएको छ ??
