पाल्पा ।
पाल्पामा जिप दुर्घटना हुँदा ३ जनाको मृत्यु भएको छ । दुर्घटनामा परी १२ जना घाइते भएका छन् । आज (आइतबार) रुपन्देहीको सालझण्डीबाट अर्घाखाचीको पणेना जार्दै गरेको लु १ च ९०२४ नम्बरको जिप रैनादेवी छहरा गाउँपालिका वडा नंं ८ सत्यवतीमा बेलुका ५ बजे दुर्घटनामा परेको हो। वडाअध्यक्ष रेम बहादुर रानाका अनुसार ३ जनाको घटनास्थलमै मृत्यु भएको हो भने १२ जना घाइते भएका हुन ।
उहाँले घाइतेलाई उपचारको लागि बुटवल ल्याईएको जानकारी दिनुभएको छ। मृतकको पहिचान खुलेको छैन। जिप अत्याधिक लोड भएकोले लोड थाम्न नसकी ब्याक भई सडकबाट करिब ७० मिटर तल खसेको प्रहरीको पारम्भिक अनुसन्धानबाट खुलेको छ । यसबारे थप अनुसन्धान भईरहेको प्रहरीले जनाएको छ।
यो समाचार पढेर हजुरले कस्तो महसुस गर्नुभएको छ ??
