काठमाडौं ।
सुनकोशीमा बेपत्ता भएका सिटिइभिटीका थप एक कर्मचारीको शव फेला परेको छ । जिल्ला प्रहर्यालय सिन्धुलीका अनुसार आज शनिबार बिहान पुर्वी नवलपरासी प्रगती नगरपालिका–७ बस्ने ५६ वर्षीय यमप्रसाद भुर्तेलको शव फेला परेको हो। री काभुर्तेलको शव शनिबार दुर्घटनास्थलबाट अन्दाजी ९५ किलोमिटर पर उदयपुरको ताप्ली गाउँपालिका–५ कुमलटारस्थित सुनकोशी नदी किनारमा फेला परेको जनाईएको छ । गत जेठ १९ गते शुक्रबार सिन्धुलीको गोलन्जोर गाउँपालिका–७ लौकुनमा गाडी दुर्घटना हुँदा सुनकोशी नदीमा खसेको थियो । सो दुर्घटना हुँदा दुई जना कर्मचारीको शव गत मंगलबार फेला परेको हो । भक्तपुरबाट खोटाङ जाने क्रममा बीएबी ७४६७ नम्बरको स्कोर्पियो जिप दुर्घटना भएको हो । गाडीका चालक भने पौडिएर बाहिर निस्किएका थिए ।
यो समाचार पढेर हजुरले कस्तो महसुस गर्नुभएको छ ??
