एजेन्सी ।
पोखरी विभिन्न आकार र प्रकारका हुन्छन। तर गोलो पोखरी तपाईंले सायदै देख्नुभएको होला । फ्लोरिडाको सिल्भर डलर लेक भनिने किङ्ग्सले लेक यति गोलो छ कि झट्ट हेर्दा यसलाई विश्वास नै गर्न सकिँदैन। किङ्ग्सले लेक फ्लोरिडाको क्ले काउन्टीको निकै चर्चित समर डेस्टिनेसन हो। तर यहाँका निकै कम मानिसलाई यो पोखरी किन यति चर्चित भयो भनेर थाहा छ। यसको एउटा कारण यो हो कि यसको गोलो आकृति तपाईंले माथिबाट मात्रै देख्न सक्नुहुन्छ त्यसैले यसको सिल्भर लेक उपनाम पाइलटले दिएका हुन। यहाँ याद गर्नुपर्ने कुरा के छ भने यो पोखरी मानव निर्मित होइन। यो प्राकृतिक रूपमा बनेको पोखरी हो । यो पोखरी ९० फिट गहिरो छ जसका कारण यो फ्लोरिडाको सबैभन्दा गहिरो ताल हो । ओन्ली इन योर स्टेटका अनुसार यो प्राकृतिक ताललाई फ्लोरिडाको सबैभन्दा र अग्लो तालसमेत भनिन्छ।
यो समाचार पढेर हजुरले कस्तो महसुस गर्नुभएको छ ??
