काठमाण्डौ ।
निरन्तरको वर्षासँगै आएको बाढीले पाँचथरमा ६ जना बेपत्ता भएका छन् । जिल्ला प्रहरी कार्यालय पाँचथरका अनुसार हेवा खोलामा आएको बाढीले फिदिम र फालेलुङमा गरी ६ जना बेपत्ता भएका हुन । बेपत्ताहरूको खोजी कार्य भइरहेको छ । यस्तै बाढीले मेची राजमार्गअन्तर्गत पाँचथर र ताप्लेजुङ जोड्ने हेवा खोलाको पुल समेत बगाएको छ भने फालेलुङ गाउँपालिकाको लुमाङदिन र घुमाउनेमा दुईवटा मोटरेबल र एउटा झोलुङ्गे पुल बगाएको जिल्ला प्रहरी कार्यालय पाँचथरले जनाएको छ । यस्तै, याङ्वरक गाउँपालिका ३ र २ मा केही घर बगेका छन् । क्षतिको पुरा विवरण आउन बाँकी छ ।
यो समाचार पढेर हजुरले कस्तो महसुस गर्नुभएको छ ??
