काठमाण्डौ ।
काठमाण्डौ महानगरपालिकाभित्र भोलि सोमबारदेखि भारतीय चलचित्र प्रदर्शन नहुने भएको छ । काठमाण्डौका मेयर बालेन्द्र शाहले महानगरभित्रका हलमा भारतीय चलचित्र प्रदर्शन नगरिने घोषणा गर्नुभएको हो । भारतिय चलभित्र (आदिपुरुष) मा समावेश भएको जानकी भारतीय छोरी हुन् भन्ने आपत्तिजनक सन्देश चलचित्रको मूल भागबाट हटाउन तीन दिनको समय दिएकोमा आज आइतबारसम्म पनि नहटाएकोले भोलिदेखि काठमाण्डौ महानगरका कुनै पनि हलमा सबै भारतीय चलचित्र प्रदर्शनमा रोक लगाउने मेयर शाहले बताउनुभएको छ । मेयर शाहले नेपालको स्वतन्त्रता, स्वाधीनता र स्वाभिमानलाई अक्षुण्ण राखी राष्ट्रहितको रक्षा गर्नु हरेक सरकार, सरकारी निकाय, गैरसरकारी क्षेत्र र नेपालीको पहिलो कर्तव्य हुने कुरामा कुनै सन्देह नरहेको समेत उल्लेख गर्नुभएको छ ।
यो समाचार पढेर हजुरले कस्तो महसुस गर्नुभएको छ ??
