पोखरा।
पोखरा अन्तर्राष्ट्रिय विमानस्थलमा पहिलो पटक अन्तर्राष्ट्रिय उडानको सफल अवतरण भएको छ । आज बुधबार बिहान चीनको छेन्दुबाट उडेको सिचुवान एयरलाइन्सको न्यारोबडी ए ३१९ जहाज चीन भ्रमणमा रहेका राष्ट्रिय सभाका अध्यक्ष गणेशप्रसाद तिमिल्सिना र ७ जना सांसदसहित १३० जना यात्रु बोकेर बिहान ९ बजेर ६ मिनेटमा पोखरा अन्तर्राष्ट्रिय विमानस्थलमा अवतरण भएको हो । अंग्रेजी नयाँ वर्ष पुस १७ गतेदेखि उडान सुरु भएको विमानस्थलमा अन्तर्राष्ट्रिय उडान हुन सकेको थिएन। अहिलेसम्म आन्तरिक उडान मात्रै भइरहेको थियो।
यो समाचार पढेर हजुरले कस्तो महसुस गर्नुभएको छ ??
